Көп болып көрінетін бұрын қайғым,
Бұл күнде біріне де бұрылмаймын.
Басымда мұң қалмаған сияқтанып,
Өзгелер үшін ғана шырылдаймын.
Жатпай-ақ аз қайғыма елеңдеп те,
Барымды жиып беріп келем көпке.
Табармын бәрін туған жерден ғана,
Биіктеп елмен ғана төбем көкке!
Түсінбей
Туғанымды жерде биік,
Жоқ-барға жүре алмаспын
Мен де күйіп.
Базына мұңым болса,
Досыма айтам,
Азырақ құным болса, –
Елге қиып!.
Сәкен Иманасов