Қазақтар айтад сорпа деп,
Қырғыздар айтад шорпо деп,
Қалжыңдасып қояды,
Бірін-бірі маңқа деп,
Қазақ-қырғыз жасай бер,
Қымыз ішіп, қыз қуып,
Қазы менен қарта жеп!
Он сегіз мың ғаламда
Қырғыздан жақын табам ба?
Аспаннан жауған нұр ортақ,
Атадан қалған жыр ортақ,
Маған дағы, саған да,
Бабалардың жыр-әнін
Жоғалтпай жырлай берейік
Компьютерлі заманда!
Күреңкейден күй қалған,
Атайдан ақық ән қалған,
Бурулча темір қомызшы
Күй шалса,дүйнө ырғалған,
Тоғолоқ Молдо, Тоқтоғұл,
Молдо Қылыш, Ниязбен,
Барпыдан бұрқап жыр қалған,
Жолынан жазбай ерінің
Елім деп еткен еңбекті
Қаныкейдің жалғасы
Анаңыз датқа Құрманжан,
Тарихыңды толғасаң,
Ұрпағыңа жалғасар,
Қатпар да қатпар сыр қалған!
Б.Әлімжанов