ЛЕКСИКАЛЫҚ КЕМДІК Лексикалық кемдік – сөз тіркесі құрамындағы элементтердің түсіп қалуы арқылы көрінетін стилистикалық қате. Функционалды стильдің басқа түрлері үшін қатенің мұндай түрі нормадан ауытқу болып есептеледі. Ал көркем әдебиетте ол авторлық тәсіл ретінде де қолданылады. Мысалы: ол кейде ішеді (алкоголь), ол тіл (шетел тілі) біледі деген сөйлемдерде оқырман немесе тыңдарман айтушының ойын бірден түсінеді. Мұндай тіркестер көркем шығармаларда, ауызекі сөйлеу тілінде көп кездеседі.