Адамдар-ай!..
Жақсам деймін бәріңе…
Жағам қалай?
Тапсам деймін бабыңды,
Үйде-түзде
Жүру үшін ешкімге алаңдамай.
Қаламын да
Сендерге тағы ұнамай,
Көшкен үйдей көңілім қаңырады-ай!
Жөпшендіге жүрек те жылымайды,
Қабақтарың қайтадан жадырамай.
Қайда деумен сенер дос,
Сенімді аға.
Жегідей жер жанымды менің нала?
… Баршылық қой дүние,
Баршылық қой,
Жетпейтіні –
Жалғыз-ақ көңіл ғана!
Сәкен Иманасов