Адалдық аңқып тұрған отты өңінен
Жақсы дос, жақын жолдас көпте кілең,
Жүремін бәріне де сенсем деумен,
Ірілік көрсем деумен шеттерінен.
Қарамай өріне де, Сәніне де,
Сенемін азаматтың бәріне де.
Сенемін жарқылдаған жастарға да,
Еремін аңқылдаған кәріге де.
Аямай салса да дақ бірі арыңа,
Сенемін ақыры кеп ұғарына.
Сенемін жабы-жасық жігіттен де
Түбінде бір кісілік шығарына.
Кімдермен кездеспейін күліп төрде,
Арылып-ақ қайдағы күдіктен де,
Жатқаным сол ағымнан жарылып-ақ
Сенгендіктен, әйтеуір, жігіттерге.
Сәкен Иманасов