Күмп беріп,
Халық толқын арасына!
Білмейді сүйерін де, құшарын да,
Білмейді қанат қағып, ұшарын да.
Қараса,
Есін жиған бір сәтінде,
Тұр екен Анасының құшағында!
Жамалдың зары:
Еңку-еңку ел асып,
Асу-асу бел асып,
Арманыңа жол ашып,
Аман-есен жеттің бе,
Айналайын құлыным!
Достарыңмен жарасып,
Дұшпаныңмен таласып,
Жан-жағыңа қарасып,
Аман-есен жеттің бе,
Айналайын құлыным!
Өзің анда, біз мұнда,
Еріп дырду-ызғынға.
Қызыл деген құзғынға
Жем болмашы,
Құлыным!
Батыл, батыл бас алға,
Қолың беріп нашарға,
Қатарыңнан қашанда
Кем болмашы,
Құлыным!
Әділеттен аспасаң,
Қиянатқа баспасаң,
СЕРІК ТҰРҒЫНБЕКҰЛЫ