Қырық жасқа келгенде домбыра үйреніп,
Ахыретке барғанда шертпекпісің?!
Қайырымды жүрек қартаймайды.
Қызыл ет кетер,
Қызарған бет қалар.
Қадірлі кісі қартаймайды.
Отыз тістің қадірін
Қартайғанда білерсің.
Отызында оқ атпаған,
Қырқында қылыш шаппас.
Отызында орда бұзбаған,
Қырқында қамал бұзбас.
Орта жолда атың өлмесін,
Орта жаста қатының өлмесін.
Он бес жас — құйын қуған желмен тең.
Өзіңнен бір жас үлкеннің ақылын тында.
Өсетін елдің қарты қазына болар,
Өспейтін елдің қарты қазмыр болар.
Салалап тарап сақалды,
Кәрілер айтар мақалды.
Сегізінде баланың тісі түседі,
Сексенде ердің бір-біріне ісі түседі.