Жоққа бола керісіп,
күйінеміз,
томсарысып,
түнеріп,
түйілеміз…
барын тосқан аузыңа бағзы достың
бас та сұқпай қоямыз үйіне біз.
Жоққа бола ренжіп, шамданамыз,
жағаласа кетуге сәл қаламыз.
Көпе-көрнеу қайдағы әзәзілдің
сөзіне де оп-оңай алданамыз.
Бағаламай барыңды қолыңдағы,
тұйықтайсың басатын жолыңды әрі,
көрер едің
күні ертең өкіндіріп,
өзегіңді өртесе соның бәрі!
Сәкен Иманасов