Төбемнен тізіле ұшқан тырналар-ай.
Кеттіңдер ме, бұрылып бір қарамай,
Қия алмай,
Құлазыған қайран көңіл
Қосыла кеткісі кеп тұр ма, қалай!
Толтырып төңіректі түрлі әуенге,
Тыраулап өтіп жатса тырна әуенде,
Бүлкілдеп бұлақ шықса бұлаң қағып,
Мүмкін бе бүйрегіңнің бұрмауы елге!
Сазына сағыныштың жел де басып,
Бұрылмай, барасыңдар белден асып,
Тарттыңдар тізіле ұшып қайда ғана,
Тырналар, туып-өскен жерге ғашық!
Сәкен Иманасов