Қабылдау бөлімшесі– тіркеуге, қабылдауға, алғашқы тексеруге, антропометрияға , түскен науқастарды санитарлық-гигиеналық өңдеуге әзірлеуге және білікті (шұғыл) медициналық көмек көрсетуге арналған маңызды консультативті-емдік-диагностикалық бөлімше.
Бұл бөлімшенің медициналық қызметкерлер құрамы кәсіптілікпен, жылдам және ұйымдаса отырып жұмыс істейді. Әр түскен науқас қабылдау бөлімшесінде қамқорлық пен өзіне деген жарқын қарым-қатынасты сезінеді.
Қабылдау бөлімшесінде жоғары мамандандырылған дәрігер кардиологтар мен терапевтер жұмыс істейді. .
Қабылдау бөлімшесінің негізгі қызметтері:
• Науқастарды қабылдау және тіркеу.
• Емделушіні дәрігерлік тексеру.
• Жедел медициналық көмек көрсету.
• Науқасты емдеуге жатқызу үшін стационар бөлімшесін анықтау.
• Науқасты санитарлық-гигиеналық өңдеу.
• Тиісті медицналық құжаттамаларды рәсімдеу.
• Науқастарды тасымалдау.
Науқастар қабылдау бөлімшесіне мынадай тәсілдермен жеткізілуі мүмкін:
• Участкелік дәрігердің жолдамасы бойынша (Емдеуе жатқызу бюросы порталына сәйкес)
• Басқа да емдік-профилактикалық мекемеден ауысу арқылы (әкімшіліктің келіскен жағдайында).
• Науқастың өзі жеке қаралған жағдайда (шаруашылық есеп бойынша стационарлық ем алу үшін).
Қабылдау бөлімшесінің дәрігері науқасты қарайды және оны осы емдік мекемеге емдеуге жатқызу қажеттілігі туралы мәселені шешеді. Емдеуге жатқызған жағдайда мейіргер емделушіні тіркеп, қажетті медициналық құжаттаманы рәсімдейді.
ЕМДЕЛУШІ АУРУХАНАДА ЖАТҚАН КЕЗДЕ МЫНАЛАРҒА МІНДЕТТІ БОЛАДЫ:
• Әкімшілікпен бекітілген аурухана тәртібін бұлжытпай орындайды (таңертеңгі ұйқыдан ояну, таңғы ас, түскі ас, кешкі ас, ұйықтау).
• Дәрігер келген кезде, температура өлшегенде және түскі демалыс уақытында палатада болу.
• Емдеп жатқан дәрігердің, бөлімше меңгерушісінің, кезекші медициналық құрамның бұйрығын бұлжытпай орындау.
• Серуендеу уақытында аурухана төңірегінде болу.
• Өзінің кереуетін, көрпе-жастығын, тумбочкасын таза және ретті ұстау.
• Аурухананың барлық бөлмелерінде тазалық пен реттілікті сақтау.
• Тыныштық сақтау.
• Аурухана мүлігі мен бұйымдарына ұқыпты болу. Емделушілер жиhазды, мүлікті және бұйымдарды бүлдіргені үшін материалдық жауапкершілікке тартылады.
• Келушілерден тек қана әкімшілік рұқсат еткен өнімдерді қабылдау. Азық-түлікті өнімдерін тек қана емделушілердің тағамдарына арналған тоңазытқышта сақтауға рұқсат етіледі.
АУРУХАНАДА ЖАТҚАН КЕЗДЕ МЫНАЛАРҒА ТЫЙЫМ САЛЫНАДЫ:
• Өз бетімен ауруханадан кетіп қалуға;
• Серуендеген кезде аурухана аумағынан шығып кетуге;
• Алкоголь ішімдіктерін, есірткі және психотропты (психикаға әсер ететін) заттарды сақтауға және қолдануға;
• Шылым шегуге;
• Құмар ойындарын ойнауға;
• Аурухананың басқа бөлімшелеріндегі науқастарға баруға;
• Бос төсектерге отыруға және жатуға, олардың төсек-орын жабдықтарын қолдануға;
• Терезе алды тақтайына отыруға, терезеден басын шығаруға;
• Ұйқыға жатқаннан кейін электр жарығын қосуға, радиоаппаратты, телефонды қолдануға, арлы-бері жүруге, басқа емделушілерге кедергі жасауға;
• Белгіленген әкімшілік сағаттан бөлек телевизор қарауға.
КҮН ТӘРТІБІ:
• 7.00 — 8.00 – ұйқыдан тұру, температура өлшеу, таңғы жуынып-шайыну, анализ тапсыру, аш қарынға тексерулер жүргізу.
• 8.00 — 09.00 – таңғы ас.
• 09.00 — 11.00 – дәрігерлердің науқастарды қарап өтуі. Бұл уақытта палатада болу керек.
• 11.00 — 13.00 – ем-шаралар.
• 13.00 — 14.00 – түскі ас.
• 14.00 — 16.00 – тынығу уақыты.
• 16.00 — 18.00 – демалыс, ем-шаралар.
• 18.00 — 19.00 – кешкі ас.
• 19.00 — 22.00- демалыс, ем-шаралар.
• 22.00 – ұйқыға жату.
ТУЫСҚАНДАРЫ МЕН ТАНЫСТАРЫНА КЕЛУГЕ РҰҚСАТ ЕТІЛЕДІ: кез келген апта күндері сағат 17.00-ден 19.00-ге дейін, қосымша сенбі және жексенбі күндері сағат 11.00-ден 13.00-ге дейін. Кейбір жағдайларда бөлімше меңгерушісінің бұйрығымен науқастың туысқандарына тұрақты өтуге берілетін рұқсат қағазы рәсімделеді.
Келуші көше киімдері мен аяқ киімін гардеробқа өткізуі керек.
Келушінің басқа емделушілер мен аурухананың қызметкерлер құрамына кедергі келтіруге құқығы жоқ. Емделуші барлық талаптары мен наразылығы туралы емдеуші дәрігерге немесе аға мейіргерге, ал кешкі уақытта кезекші мейіргер немесе кезекші дәрігерге мәлімдейді. Карантин немесе басқа жағдайларда келуді болдырмау туралы сіздерге алдын ала хабарлайды.
ІШКІ ТӘРТІП ЕРЕЖЕСІН БҰЗҒАНЫ ҮШІН ЕМДЕЛУШІЛЕР АУРУХАНАДАН ШЫҒАРЫЛАДЫ