ЖАЛТЫРАУ – жарық сәулені шағылдырушы бет қасиетінің сипаттамасы. Жалтырау жарық сәуленің көпшілік бөлігі бір мезгілде шашыратылып (диф- фузиялық) әрі айнала шағылудың салдарынан болады. Адамның көзі жарық сәуленің айналадағы айналық және диффузиялық шағылысуын қабылдайды және жалтыраудың мөлшерлік бағамы осы сәуленің әлгі шағылуларының арасындағы қарқындылықтарының қатынасымен анықталады. Кейде сапалық белгілер бойынша да сипатталады, мысалы, металдық жалтырау, алмастық жалтырау, әйнектік жалтырау деген секілді айтылады.