АВТОЭЛЕКТРОНДЫҚ ЭМИССИЯ, Туннельдік эмиссия – сыртқы электр өрісінің күшті кернеуі E (~107 В/см) әсерінен өткізгіштік қатты және сұйық денелердің беттерінен электрондардың бөлініп шығуы. Кәдімгі жағдайда электрондардың қатты дене бетінен ұшып шығуына оның шекаралық қабатындағы бөгеуші өріс аймағы – потенциалдық тосқауыл мүмкіндік бермейді. Қатты дене бетіне электрдің күшті кернеуі түсірілгенде туннельдік эффект деп аталатын кванттық механикалық құбылыс әсерінен, электрондар потенциалдық тосқауылдан өтіп кете алады.