Өмірге алғаш келгендігім кінәлі,
Өзінді алғаш көргендігім кінәлі,
Мен бейбаққа сенгендігің кінәлі,
Сенің ғана жазығың жоқ, сүйіктім.
Біз қарсы алған таң нұры да кінәлі,
Сол көктемнің жаңбыры да кінәлі,
Сүйгеніңнің тағдыры да кінәлі,
Сенің ғана жазығың жоқ, сүйіктім.
Саған жазған өлеңім де кінәлі,
Көргенім де, көрерім де кінәлі,
Көнгенім де, көнерім де кінәлі,
Сенің ғана жазығың жоқ, сүйіктім.
Мен сыйлаған лала гүлі кінәлі,
Сезімдердің шалалығы кінәлі,
Бәлкім, менің балалағым кінәлі,
Сенің ғана жазығың жоқ, сүйіктім.
ЕРЛАН ЖҮНІС