Тәй-тәй басып,
Қаз-қаз тұрып,
Талпынады – Сәдуақас.
Талаптанып,
Қанат қағып,
Шарқ ұрады – Сәдуақас.
Ұясында,
Қия-шыңға,
Ұмтылады – Сәдуақас.
Тұрмай үйде,
Ән бе, күй ме,
Бір құмары – Сәдуақас.
Өнер қуған,
Той мен думан,
Аңсағаны – Сәдуақас.
Ақындарға,
Батырларға,
Тамсанады – Сәдуақас.
Тақпағыңды,
Айтқаныңды,
Ұғады әлі – Сәдуақас.
Үміт толып,
Жігіт болып,
Шығады әлі – Сәдуақас.
Қатарынан ерте жетіп,
Өтер жолды – Сәдуақас.
Елі-жұрты
Еркелетіп,
Сәкен болды – Сәдуақас
СЕРІК ТҰРҒЫНБЕКҰЛЫ