Жанымның жарты бөлшегі,
Қылығың балдай сүйкімді.
Сен болсаң маңым ертегі,
Сағынтып бұздың ұйқымды.
Тараған қаннан бөлшегім,
Бәйтерек болсам тамырлы.
Сендерсің күнім ертеңім,
Жалғайтын мына, әнімді.
Түсіме кірдің тағы сен,
Әкелеп бойға асылып.
Әкеңнің бары, бағы сен,
Сағынып келем тасынып.
Сағындым, ұлым, күлкіңді,
Аймалап қанбай сүйер ем!
Бұзбауың үшін ұйқыңды,
Бейбіт күн қана тілер ем.
Ербол Бейілхан