Алтын заман –
Дәл осы Алып заман,
Алтын құсы төбеде қалықтаған.
Құпияны ғаламат ашып жатыр
Құлақ естіп, көз көріп,
Жан ұқпаған.
Болашағын заманның халқым ойлар,
Талма өзекке тапқандай тамшыдай нәр.
Қамал болсын соғысқа ел тілегі,
Аман болсын «Алтынбек», «Алтынайлар».
Тілек біреу,
Тап келсе қайғы да – ортақ.
Құт, қазына,
Береке, байлық ортақ.
Ел ортақ –
Арман-мақсат бірге болса,
Жер ортақ –
Аспандағы Ай, Күн ортақ.
Тілектес бол,
Құрдасым, бауырласым,
Артымызда дау қалсын,
Дауыл қалсын,
Бейбіт күнде тып-тыныш соғып тұрған
Жер жүрегі сау болсын,
Ауырмасын!
СЕРІК ТҰРҒЫНБЕКҰЛЫ