Ақтамадым антыңды,
Сақтамадым құранды.
Көзім жұмып қарадым
Келешекке күмәнді.
Кешіре гөр, хан ием –
Мәртебеге мәңгі ием!
Қасиетті халқына
Қайтып келген әулием.
Естілгенде хабарың,
Босағандай жан-жүйем.
Бір басыңнан кетпесін
Бар құдірет, бар киең!
Кешіре гөр, хан ием!
Идім саған басымды,
Төктім саған жасымды.
Өрекпіген көңілім
Өртенді де, басылды.
Жазған жырым – ақ моншақ
Саған қарай шашылды.
Ұлы тіреу өзіңсің
Ұстап тұрған Ғасырды!
СЕРІК ТҰРҒЫНБЕКҰЛЫ