Құйшы, дос! Құйсаң,
Қысылмай ғана ақтан құй!
Көңіл де бүгін күмбірлеп ойнап жатқан күй,
Сырнайын түгел сарнатсын, кеудем,
Қалсын деп маужырап аспан, бақ қалғи.
Маздайды жаным,
Шарпыған жалын от кернеп,
Асқақ бір әуен әуелей ұшты көкке өрлеп,
Жұлқынып тұрған жүректі-ай мына!
Ортаңды
Дүбірлетіп өтсем бе деген сертпен кеп.
Жетеді, досым,
Онсыз да тұрмын мастанып.
Кетейік қырға,
Жинашы бәрін, тасталық.
Қалғып та алғым кеп тұр-ау,
Көлбей құлаған,
Алатауды тұтас жастанып!
Сәкен Иманасов