АЛАНША ХАН Алаша хан, Алаш хан (б.з.б. 1164 — 1072) — көне қытай, араб деректерінде есімі аталатын тарихи тұлға. Тұран тарихын зерттеуші ғалымдардың пікірінше А. х. (Бома хан) есімі қазақ, қырғыз, қарақалпақтың түп атасы ұғымын білдіреді. Шын мәнінде, ханның өз есімі Алаш болмауы да мүмкін. Денесіндегі даққа, не малының алалығына байланысты замандастары солай атаған болса керек. 18 — 19 ғ. Орта Азияға келген араб тарихшыларына түріктер өздерін Аламан, Алаш тұқымымыз деп түсіндірген. Ғылымда А. х., Алаш хан туралы пікірталастар әлі бір шешімге келген жоқ. А. ханның малға таңба басып, ен салуды, некелік, жеке меншіктік жол-жоралғыларды енгізіп, елдің ынтымағын көздеген көсем болғаны күдік тудырмайды.