АҚБАСШӨП (Karelinia) — күрделі гүлділер тұқымдасына жататын көп жылдық шөп- тесін өсімдіктер. Қазақстанның шөлді аймақтарында кең таралған. Оның Қазақстанда к а с п и й А. (К. саsріа) түрі ғана бар. Ол сор, сортаң топырақты жерлерде, өзен-көл жағалауларында, көшпелі, сусымалы құмды аймақтарда өседі. Биікт. 1,5 м-дей. Тік, қырлы сабағына бұтақтары кезек орналасады. Жапырағы қалың келеді, жиегі бұдырлы болады, гүл шоғырына дейін жапырақтанады. Сағақсыз жапырақшалары (ұз. 2 — 6 см, ені 0,5 — 2 см) сабақты орай, кезектесіп орналасады. Ұсақ гүлдері себет гүл шоғырына шоғырланады. Маусым — шілде айларында гүлдейді. Тамызда жеміс береді. А-ті мал сүйсініп жейді.