АКВАРЕЛЬ (лат. agua — су) — құрамына суға еритін желім қосылған түрлі түсті бояу. Кескіндеменің ең әсерлі түрі. Акварель бояуларының ерекшелігі — мөлдірлігі. Бұл кескіндеме тех-сында ақ бояу мүлде қолданылмайды. Ақ бояуды кескіндеме жазылатын ақ қағаздың өзі ауыстырады. Шығарманың ең жарық нүктелерінде қағаздың тиісті жерлері мүлде боялмайды. А. бояулары қолдануға ыңғайлы және қарапайым. Соған қарамастан, А. тех-сы — мейлінше күрделі. А. бояуын И.Е. Репин, Т.Г. Шевченко, А. Ғалымбаева, Ү. Әжиев, Ә. Қастеев, т.б. өз кескіндемелерінде шеберлікпен қолданған.