АРНА, гидрологияда — өзен аңғарының су ағатын бөлігі. Октын-оқтын немесе қысқа мерзімге құрғап калатын өзен аңғарын құрғақ А. деп атайды. Жазықпен ағатын өзендердің А-сы ирек пішінді болып келеді, оның терең (иірім) және тайыз (қайраң, өткел) тұстары болады. Өзен А-ларының ені бірнеше метрден (Бесағаш, Есентай өз., т.б.) ондаған км-ге (Амазона өз., т.б.) жетеді; 2) техник а д а (байланыста) — таратқыштан (ақпарат көзінен) қабылдағышқа (ақпаратты алушыға) дабыл (сигнал) тарайтын тех. құрылым немесе физ.орта. Байланыс А-сы таратылатын ақпараттардың түрлеріне (телефон, телеграф, радиохабар, телехабар, т.б.) және байланыс желісінің типіне (сым, радио, радиорелелік, серіктік, т.б.) қарай бөлінеді.