АРҚАН– қылдан, мақтадан, зығыр талшықтарынан, т.б. бұрап есілетін бұйым. Арқан есу қазақ халқының тұрмысында ерте заманнан бері қолданылған. Арқан жасау үшін алдымен жеке өрім жіптер ширатып алу керек. Ширатылған 3 – 4 тіл бір-бірімен өріліп біріктіріледі. Арқанның жуанд. 10 — 60 мм-ге дейін болады. Жіңішке А., көбінесе, үй шаруашылығында пайдаланылады. Син- тет. А. 15 мм-ден жуан болмайды. Синтет. А. өндірісі Қазақстанда бірінші рет Шымкент жіп иіру фабрикасында 1964 ж. игерілді.
Арқан аттау — қазақ халқының ұлттық ойыны. Ойыншылардың біреуі қойшы болып тығылып тұрады да өзгесі керілген арқаннан қорыққан қасқыр болып ойнайды. Қайсысы арқанға бұрын шырмалып қалса, сол қойшының қолына түскен болып саналады.