Үкіметтің билік жүйесіндегі жоғарғы орган ретіндегі рөлі оны елдің бүкіл аумағында іске асырылатын барлық орталық және жергілікті атқарушы органдар қолданылатын өкілеттілігінен көрінеді. Сонымен қатар оның билігіне жатқызылған мәселелерді дербес шешеді (Конституцияның 66-бабы),
Жергілікті атқарушы органдар еліміздің атқарушы билігінің бірегей жүйесінің құрамдас бөлігі болып табылады және олар жергілікті жерде жалпы мемлекеттік саясатты тиісті аумақтарды дамыту мүддесімен үйлестіре жүргізуді көздейді.
Жергілікті атқарушы органдардың өкілеттілігі, жауапкершілігі, қызымет тәртібі Конституцияның 87- бабымен бірге “Қазақстан Республикасының жергілікті өкілді және атқарушы органдары туралы ” 1993 жылғы 10 желтоқсандағы Заңымен, сондай-ақ басқа заңдармен және заңға сәйкес нормативтік – құқықтық кесімдермен реттеледі. Осы заңмен әкімнің міндетіндегі жеке өкілеттілік де, әр түрлі салалар мен қызыметтердің тұтас атқарушы орган , яғни әкім және оған бағынатын органдар жүзеге асыратын өкілеттікті де белгілейді.