АРАМЖУА, Каспий eасы (Allium caspium) — лалагүлділер тұқымдасының жуа туысына жататын көп жылдық өсімдік. Қазақстанда Торғай, Сарыарқа, Атырау, Ақтөбе, Арал және Каспий маңы, Қызылорда, Мойынқұм, Қызылқұм, Шу, Іле тауы, Қаратау аймақтарының құмды шөлдерінде өседі. Биікт. 10— 30 см. Жуашығы домалақ, көлденеңі 2 — 4 см, қарасұр қабықпен қапталған. Төрттен бір бөлігі жапырақ қынабымен көмкерілген. Гүл шатыршасы домалақ, көп гүлді. Сәуір — мамыр айларында гүлдейді. Жемісі — қауашақ тәріздес. А. ж-ның құрамында сапонин көп. Сондықтан ол улы келеді. Құм тоқтату үшін өсіріледі.