“АНА ТІЛІ” —апталық газет. Құрылтайшысы — Халықар. “Қазақ тілі” қоғамы, ҚР Ақпарат және қоғамдық келісім мин-і және “А. т.” апталығының ұжымы. Алғашқы нөмірі 1990 ж. 22 наурызда респ. “Қазақтілі” қоғамының елтану және тілтану апталығы ретінде Алматыда жарық көрген. Көлемі 16 бет, қалыбы А3. Алғашқы бас редакторы — Жарылқап Бейсенбайұлы. Мұнайшыларға арналған “Алтын дария” атты қосымшасы бар (1998). Апталықтың негізгі тақырыбы — қазақ тілі мен тарихының көкейкесті мәселелері.