АМФИБОЛИТ — қоңырқай реңді (қоңыр, қара қошқыл, қою жасыл), жік-жапсарлы немесе шомбал нақышты метаморфтықтау жынысы. Минералдық құрамы негізді мүйізталшықтан және орта плагиоклаздардан тұрады; онда аздап гранат, эпидот, биотит, диопсит, т.б. минералдар ұшырасады. А. орта және негізді құрамды магмалық жыныстардың, кейбір шөгінді жыныстардың метаморфтануы нәтижесінде қалыптасады. Қара түсті А-тер әшекей және қаптама тастар ретінде жиі қолданылады.