АЛТЫНБАЕВ Мұхтар Қапашұлы (10.12.1945 ж.т., Қарағанды) — әскери қайраткер, ҚР Қорғаныс министрі (30. 10. 1996), ген.-полковник (30. 10. 1996). 1965 жылғы 29 желтоқсаннан бері Қарулы Күштер қатарында қызмет атқарады. 1977 ж. Әуе-Қорғаныс әскері ұшқыштарының Армавир Жоғары әскери уч-щесін, 1985 ж. Г.К. Жуков атынд. Әуе-Қорғаныс әскері Әскери командалық академиясын бітірген. Авиац. полк ұшқышы, жойғыш авиац. полкының аға ұшқышы, звено, эскадрилия командирі, ұшуға дайындық полкы командирінің орынбасары, жойғыш авиац. полк командирі, Әуе-Қорғаныс әскері дивизия командирінің орынбасары, командирі, Әуе— Қорғаныс әскері корпусы командирі, ҚР Қорғаныс министрінің орынбасары — Әуе Қорғаныс әскерінің Қолбасшысы, Әскери-Әуе Күштерінің қолбасшысы — ҚР Қорғаныс министрінің орынбасары, ҚР Қорғаныс министрлігі Әскери-Әуе Күштерінің қолбасшысы қызметтерін атқарған. III дәрежелі “Отанға қызмет еткені үшін” орденімен марапатталған.