“АЛТЕЛ”, “Алтын телефон ” — ұялы радиотелефон байланысы қызметін көрсететін компания. 1994 ж. қыркүйек айында “Бесет Интернейшнл” казақ-ағылшын бірлескен акционерлік қоғамының құрылтайшылығымен құрылған. Компания еліміздің Алматы, Астана, Шымкент, Қарағанды, Павлодар, Ақтөбе, Қостанай, Өскемен, Тараз, Петропавл және басқа да қалаларындағы 21 мың абонентке (1998) ұялы байланыс қызметін көрсетеді. Олардың саны таяу жылдары 60000-ға жетпек. Компания цифрлы ұялы байланыс жүйесін жасауды қолға алды.