АЛМАТЫ ТЕАТР ЖӘНЕ КИНО ИНСТИТУТЫ. Жүргенов атынд. — театр және кино мамандарын даярлайтын мемлекеттік жоғары оқу орны. 1978 ж. Құрманғазы атынд. Алматы мемл. консерваториясының актерлік ф- тінің (консерваторияға 1953 ж. Алматы көркемсурет уч-щесінен келіп қосылған актерлік бөлім) негізінде Алматы театр және көркемсурет ин-ты болып ашылған. Ин-т театр, кино, көркемсурет және хореогр. бөлімдері бойынша маман даярлайды. Оқу мерзімі 4 жыл. Күндізгі және ақылы сырттай бөлімдер жұмыс істейді. 1987 ж. ин-тқа Т. Жүргенов есімі берілді.