АЛЛИГАТОРЛАР, а л л и гатор тәрізділер (Alligatoridae) — қолтырауын отрядының үш тұқымдасының бірі. А. төрт туыс (Alligator, Сaiman, Мelanosuhus және Раleosuhus) 7 түрге бөлінеді. Оның үшеуін (Сaiman, Мelanosuhus және Раleosuhus) “каймандар” деп атайды. Денесінің ұз. 1,5 — 6,3 м, салм. 85 кг-ға дейін жетеді. Тұмсығы жалпақтау, әрі қысқа, алдыңғы аяқтарының саусақтары арасында терілі жүзу жарғағы болады. Аналықтары 20-60 жұмыртқасын арнайы жасалған ұяға салады. Аталықтары өздері тіршілік ететін жерлерді қорғайды, ұрпақтарына қамқорлық жасайды. 85 жылдай өмір сүреді. Ересектері балықтармен, бақалармен, т.б. омыртқалы жануарлармен, балалары ұсақ су жәндіктерімен қоректенеді. А. — Солт., Оңт. Американың, Қытайдың тұщы су айдындарында тіршілік етеді. АҚШ-та, Кубада миссисипи А-ын арнайы фермаларда қолдан өсіреді. Қытай А-ы Янцзы өз- нің құяр сағасында таралған. А. бағалы терісі үшін ауланады. Санының күрт азаюына орай, қатаң қорғауға алынып, Халықар. табиғат қорғау одағының “Қызыл кітабына” енгізілген.