АЛАҢ — қоғамдык құрылыстардың орталығындағы, қала немесе кент көшелерінің құрамына кіретін біртұтас сәулеттік ашық жер. Көлемі мен пайдалану шарты бойынша, қаланың орт. алаңы, театр алаңы, стадион алаңы, құрылыс алаңы, т.б. болып бөлінеді. Құрылыс алаңы деп құрылыс жүріп жатқан жерді айтады. А. көне шығыс елдерінде ертеден жобаланып салынған. Мыс., Париждегі атақты Марс алаңы көне Гератгың атақты жабық базары орналасқан алаңына ұқсатылып жобаланған. Алматы қ-дағы Республика алаңы, Карағанды қ-ның Орталық алаңы, т.б. бірегей сәулет ансамбльдері болып табылады.