АҚЫРАБ — Ақтөбе обл-ның Қобда ауд-ндағы ауыл, ауылдық әкімш. округінің орталығы. Ауд. орталығы — Қобдадан 55 км жерде, Үлкен Қобда өз-нің сол жағалауында орналасқан. Ең жақын т.ж. стансасы — Мартөк. Тұрғыны 2,8 мың адам (1997). Ауылда астық қабылдау пункті, мәдениет үйі, кітапхана, аурухана, санитарлық-эпидемиялық ст., орта және музыка мектебі бар. Тұрғындар жақын елді мекендермен автомоб. жолы арқылы қатынасады.