АҚТӨБЕ ОБЛЫСТЫҚ ФИЛАРМОНИЯСЫ — мәдени— концерттік мекеме. 1944 ж. 16 қыркүйекте ұйымдастырылған. 1997 ж. белгілі композитор Е.А. Жұбанованың аты берілді. Филармонияда тұрақты өнер көрсететін “Арайлы Ақтөбе”, “Көңіл ашар”, “Қарлығаштар” секілді концерттік бригадалары, 1987 жылдан муз. лектория тобы жұмыс істейді. Филармония құрамында: эстрадалық-үрмелі муз. оркестрі, қазақ камералық хоры, “Домбыра-Дастан” фольклорлық ансамблі, шығыс билері ансамблі құрылған. А.о.ф-нда әр жылдарда Қазақстанның еңб. сің. артистері Р. Ақжарова, Ғ.Қойшыбаева, Т. Оспанов, Ж. Сейілов, т.б. қызмет істеді.