АҚҚҰМ — Жамбыл обл-ның Талас ауд-ндағы ауыл. Аудан орталығы — Қаратау қ-ның солт.-шығысында, баялыш, күйреуік шөп өскен шөлейтті белдемде орналасқан. Жақын т. ж. стансасы — Қаратау (100 км жерде). Тұрғыны 1,6 мың адам (1997). Ауылда бұрынғы ұжымшар негізінде ұйымдасқан өндірістік кооператив жұмыс істейді. Мектеп, клуб, кітапхана, т.б. мекемелер бар. Тұрғындары ауд. орталығымен, басқа елді мекендермен автомоб. жолы арқылы қатынасады.