Иісі қазақ еске алады дәл бүгін,
Абай ата жомарттығын, мәрттігін.
Ұмытпайды мәңгі есте сақтайды,
Ұлықтайды сізді әр күн мақтайды.
Даналығың шешендік дарыныңмен,
Киелі ісің әділдік танылумен.
Мұхтар сізден үлгі алды балалықтан,
Құрмет тұтып рухыңа бағынумен.
Абай ата, ақындардың ақынысың,
Сөз маржаны қара өлеңнің асылысың.
Ұялап әр қазақтың жүрегіне
Мақтан ғып айтып жүрер қыранысың.
Қызықпаған мансап пенен байлыққа,
Тек ойлаған халқының қамын ғана.
Адамшылдық қасиетін сақтай білген,
Абай ата мақтан тұтар ұлы тұлға.
Жүріп келем Абай ата ізіменен,
Сөйлесемін кейде сурет жүзіменен.
О, ақыным! Қазір жоқсың бұл дүниеде
Сыр шертемін қаламымның ұшыменен.
Осымен жырымды мен тәмәмдайын,
Ақындарша бір самғап қырандайын.
Ұлы ақын әркез менің ойымдасың
Жүректегі жырымды мен арнайын.
Ордабай Аяжан Еркінбекқызы
11 сынып оқушысы
Жетекшісі: Кашкеева Айгуль Адилкадировна