“АҚ ЖІП” — мақтадан жіп иіретін кәсіпорын. Алматыға 1942 ж. көшіріліп әкелінген Реутов мақта иіру ф-сы негізінде құрылған. Ф-да жүн тұту, тарау, есу, иіру және шүйкелеу цехтары бар. 1956 —58 ж. жаңа машиналармен жабдықталып, жұмыс технол- сы өзгертілді. 1965 ж. барлық цехтар жаңғыртылды, өндіріс қуаты арттырылды. Кәсіпорын 1975 ж. қайта жабдықталды. 1992 ж. дейін Алматы мақта иіру ф-касы болып аталды. Сол жылы акцион. қоғам болып қайта құрылды. Мақтадан әр түрлі жіп иіріп, а.ш. машиналарына қажетті сүзгіш, тоқыма ф-каларына жіп шығарады.