АКАДЕМИЯЛЫҚ ЕСУ – есу спортының бір түрі. А.е. спорты 19 ғ-дың 1-жартысында Ұлыбританияда пайда болды. Халықар. федерациясы 1892 ж. құрылды. Оған 71 ел мүше (1991). А. е. 1900 жылдан Олимпиялық, 1962 жылдан дүн. жүз., 1893 жылдан Еуропалық ойындар бағдарламасына енгізілген. Қазақстанда спорттың бұл түрі алғаш 1968 ж. Теміртауда жолға қойылды. Ал 1974 жылдан бастап республика спортшылары халықар. жарыстарға қатыса бастады. КСРО құрама командасы сапында жарысқа қатысқан В. Дебеслов дүние жүзі чемпионы (1978), А. Бакарасев (1979), Т. Котлярова (1979), Н. Баранова (1989) Дүние жүзі чемпионаттарының, С. Демиденко “Достық ойындарының” қола жүлдегерлері (1984) атанды.