АЙТБАЕВ Ғаббас (1882, қазіргі Қарағанды обл. Егіндібұлақ ауд. — 1929, сонда) — әнші. Әкесі Айтбай арканың белгілі әнші-композиторларының бірі. А.В.Затаевичтің сөзімен айтқанда А. “өте сирек кездесетін әнші-ақын”. А-тың әншілігіне испанның гитаршысы Андреа Сеговиа тәнті болып, оның орындаушылық өнерін жоғары бағалаған. А. 1922 ж. Қарқаралыда өткен халық әншілерінің жарысында 1-орынды жеңіп алды. 1927 ж. Мәскеуде Кеңестердің 4-съезі делегаттарына арнайы ұйымдастырылған концертке қатысып, жұртшылық назарына ілікті. Сол жылы Үлкен театрда болған этногр. концертте зор абыройға ие болды. Затаевич А- тан 12 ән жазып алған.