АЙРИХ Эдуард Фердинандович (20.11.1918 — 6.4.1993, Алматы) — жаттықтырушы. А. жаттықтырушылық жұмысты 1948 ж. балалар мен жасөспірімдердің спорт мектебінде (Краснотуринск, Ресей) бастады. Ол допты хоккейден А.- ның “Динамо” командасының аға жаттықтырушысы болды (1964 — 1978). 1977 ж. команда КСРО чемпионы атағын иеленді, чемпионаттың күміс және қола медалін 8 мәрте жеңіп алды. А. елімізде көгалдағы хоккей спортын дамытуға көп еңбек сіңірді. Ол жаттықтырған “Динамо” командасы көгалдағы хоккейден 15 мәрте алтын, 2 мәрте күміс медалін жеңіп алды. А. 1979 ж-дан көгалдағы хоккейден КСРО құрама командасын басқарды. Мәскеуде өткен 22 Олимпиялық ойындарда бүл команда қола медальді иеленді. А. “Халықтар достығы” орденімен марапатталған (1987).