АЙМАНОВ Кенжәлі (1.01. 1917, Бат. Қазақстан обл. Бөрлі ауд. Жәнібек а. — 26.08. 1974, Алматы) — ғалым, мемлекет қайраткері, КСРО Пед.ҒА-ның корр. мүшесі (1971). Абай атынд. Қазақ мемл. пед. ин-тын (қазіргі Алматы мемл. ун-тін) бітірген. Ұлы Отан соғысына қатысқан. 1960—63 ж. аталған ин-тта кафедра меңгерушісі, 1963 — 1971 ж. Қаз. КСР Оқу ағарту министрі, 1971 — 1974 ж. Республиканың Жоғары және арнаулы орта білім министрі қызметтерін атқарды.
А-тың негізгі ғыл.-зерт. жұмыстары жоғары сынып оқушыларының автоматика, телемеханика, электроника элементтерін меңгеру мәселелеріне арналған. Ленин, Еңбек Қызыл Ту ордендерімен марапатталған.