Бет-пішіннің, дененің күмпиіп,дүр-диіп көрінуі. Ықыластың барбиған жалпақ бетінде сайрап тұрғансұрқиялық бар еді (С. Бегалин). Басы-көзі ісініп, кірпігі былшықтанып, терезенің ал-дында қарнын сыйпап тұр (А. Нұрманов). Әйелдің баржиған денесінің бәрін май басып, үстіндегі киімі сөгіліп кететіндейбоп тырсылдап тұр (Б. Майлин). Мен быржиып семіріп кеткен бұл адамды қайдан көрдім деп ойланып отыр-ғанда, ол мені тани кетті (Ә. Нұршайықов).