АВИАЦИЯ СПОРТЫ, авиаспорт – спорттың авиацияға қатысты түрлерінің жиынтық атауы. Оның авиамодельдеу спорты, парашют спорты, қалқыма ұшақ спорты, ұшақ спорты сияқты түрлері Қазақстанда жақсы дамыған. Алғашқы аэроклуб мектебі Алматыда 1934 ж. ашылды. А. с. түрлерінен 1983 — 85 ж. республика спортшылары КСРО чемпионы және КСРО Халықтары спартакиадасының жеңімпазы болды. Солардың қатарында ұшқыш- ғарышкер Т. Мұсабаев та бар. Алматылық С. Боряк (1986), А. Абдуллаев (1996) қалқыма ұшақ спорты түрінен дүние жүзі чемпионы атанды. Қазақстан парашютистері КСРО рекордын 19 рет жаңартып, 47 алтын медальді жеңіп алды. Қазақстанда А. с. түрлері Алматы, Қарағанды, Ақмола, Шығыс Қазақстан обл-тарында жақсы жолға қойылған.