АВАНТЮРИН — минерал, кварцтің ұсақ түйіршікті түрі. А-нің құрамында біркелкі шашырап тараған слюда, гематит, глтит минералдарының ұсақ түйірлері бар. Олар А-ге құбылмалы қоңыр, сұр, жасыл, қызғылт түс береді. Кен орындары Оралда, Алтайда кездеседі. А. әшекей тас ретінде көркемдік бұйымдар жасауға пайдаланылады. А-нің мыс қосып жалтыратылған қоңыр шыны тәрізді жасанды түрі де бар.