АБЫРОЙ — қазақтарда бұл сөз кең мағынасында — ар-ұят, бедел, құрмет, қадір-қасиет ұғымдарының жиынтық мазмұнын білдіреді, тар мағынасында — сәттілік, істің көңілдегідей, ойдағыдай шығуы, пайда, тиімділік ұғымдарының баламасы ретінде қолданылады. А-дың ауызекі тілдегі “әбүйір тұлғасы” көбіне осы соңғы мәндерін білдіреді. А. филос-да моральдық ұғым, этик. категория тұрғысынан қарастырылады. А. — адам бойындағы ең асыл құндылықтардың бірі; кісілік, адамгершіліктің тірегі.