АБАҚ СҰЛТАН (т.ө.ж.б.) — Салқам Жәңгірдің үлкен ұлы, Есім ханның немересі. А.с. туралы қысқаша дерек 17 ғ-да жазылған “Тарихи шаһ Махмуд ибн Мырза Фазыл чорас” деп аталатын тарихи еңбекте кездеседі. Жәңгір хан Шығыс Түркістан билеушілерімен бірге жоңғарларға қарсы әскери одақ құруға ұмтылады. Осы мақсатпен Жаркент ханы Абдуллаға өз ұлы А.с-ды елші етіп жіберді деген пікір бар. Бірақ бұл елшіліктің қандай нәтижемен аяқталғанын айғақтайтын тарихи деректер табылған жоқ.