Жылуы болмаса түбіт қасиетсіз,
Жігер болмаса жігіт қасиетсіз.
Жігітке жар қымбат,
Намыс пен ар қымбат.
Жігіттің екі өнері бар:
Атқан да жыққан,
Ашқан да оқыған.
Жігітке жеті өнер аз,
Жетпіс өнер көп емес.
Жігіт көркі – өнер.
Кейде істің ағы білмейді, жігіттің бағы біледі.
Кемел жігіт кешірімді.
Кемер белбеу – бел сәні,
Кемел жігіт – ел сәні.
Күйеуі өлген әйел келіншек болады,
Кедей болатын жігіт еріншек болады.
Кісімсіген жігітті үйінде көр,
Кісінеген бестіні үйірінде көр.
Кісінің жамбасын жесең, ұшасын сайла.
Жерік талғамайды, ашық адам аңдамайды.
Ер жігіт үйде туып – түзде өлер.
Ер жігітке өлім барда – қорлық жоқ.
Ешкі бақсаң түбіті көп,
Мүйізі пышаққа сап.