Жалғыз жігіт жарымас.
Жолы болар жігітке,
Жолдан жолдас қосылар.
Жалғыз мая қайымас,
Жалғыз жігіт байымас.
Жалғыз жігіттің басына іс түссе,
Ақылынан адасады.
Сасқанынан қырық құмалақ алып,
Бал ашады.
Жарлы болар жігітке,
Қазалы мал табылар,
Жалғыз болар жігітке,
Бедеу қатын тап болар.
Егер жігіттің аты жақсы болса, бір бақыт,
Жары жақсы болса, бір бақыт.
Егер жігіттің екі сөйлегені, өлгені,
Еменнің иілгені, сынғаны.
Екі ағайынды жігіттің
Кере қарыс жалы бар.