БӨРЕКЕШОВ Нәби (13.9.1926, Ақтөбе обл. қазіргі Байғанин ауд., -1985. Алматы) -жазушы. Өзбекстан КП ОК жанындағы Жоғ. партия мектебінің журналистика ф-тін (1955). Қарақалпақстан пед. ин-тын (1964) бітірген. Қарақалпақстандағы «Лениншіл жас»(1956 -70). «Совет Қарақалпақстаны» газеттерінде бөлім меңгерушісі, «Қарақалпақстан» баспасы бас редакторының орынбасары, Қарақалпақ телевизиясының аға редакторы қызметтерін атқарған. 1970 жылдан Қазақстан телерадио к-тінде аға редактор,»Казақстан» баспасында бөлім меңгерушісі болып қызмет істеген. Өзбек жазушысы А.Мұхтардың балаларға арналған «Ашыған сүт» кітапшасын,өзбек ақындары С.Акбари мен Х.Шәріповтың өлеңдерін,қазақ ақыны Қ.Бекхожиннің «Дала комиссары» поэмасынан үзіндіні қарақалпақ тіліне аударған.