Қымызыңды құйып селдей ғып,
Арағын ішіп – мазақ бол.
Қонақты күтсең – мендей күт,
Ел болам десең – қазақ бол!
Түсім бе?
Өң бе?
Енді – нем?
Көзіме не зат көрінді?
…Қазақ боп тусам енді мен,
Тексізге бермен төрімді!
Маркстен қайтып – Абайға,
Қан-жоса болып майтабан –
Қайтсем де, қалай-қалай да,
Қазақ боп туам қайтадан.
Сол кезде көңіл күйіме,
Кіршік түспесін деп тілеп,
Айтпасаң болды:
– Үйіңе
Қайыршы кіріп кетті – деп.
АҚСҰҢҚАРҰЛЫ СЕРІК